7.12.23

entender o mal sen xustificalo

comprender e definir o mal parecería sinxelo, pero a revisión dos estudos que abordan o tema ao longo da historia demostra que a tarefa está lonxe de ser doada. o debate é amplo e inclúe aspectos moi variados; por exemplo, localizar a orixe do mal, situándoo ben na a propia natureza do ser humano ben na 'maldade' ou capricho dos deuses, entre outras localizacións. tamén se ten tratado de comprender por que e cando exercemos o mal; é dicir, considérase importante discernir que se considera un acto de maldade.

a cuestión ten espertado fascinación e interese tanto entre ilustrados como entre profanos, desde os propios filósofos ata o espectador que devora películas sobre o nazismo no sofá da súa casa. e o concepto de mal ten dependido da cosmovisión do momento e a crenza nun deus creador ten influído especialmente na cuestión.

Platón sinalaba o mal como un acto ignorante, unha imperfección do ser humano en medio da orde do universo. antes da concepción xudeo-cristiá, o home erraba sen vontade. coa aparición dun deus creador xorden outras disquisicións. Ana Carrasco-Conde, autora de dicir o mal. comprender nom é xustificar, explica que se formula un dilema: sendo Deus bo, como é posíbel que permita a existencia do mal.

ábrese así unha das grandes liñas do pensamento occidental que sinala que o mal procede do ser humano e a súa vontade. 'é un defecto colateral dunha graza', segundo Carrasco-Conde. Agostiño de Hipona, cunha mirada medieval, dirá que o que ten feito Deus é darnos un ben, a capacidade de elixir o que queremos facer, o que ocorre é que podemos confundirnos ao decidir se algo é bo ou nom. 'tomamos malas decisións. de novo o mal está vinculado á crenza de que algo nom ten ido de maneira adecuada', evidencia a filósofa.

subliña ademais a necesidade histórica constante de escusar a Deus e ás veces a nós mesmos de cometer o mal, asociándoo a un erro, a unha especie de forza maniquea ou unha entidade nociva que o introduce no mundo ou incluso a un fallo da razón, xustificando o mal por culpa de instintos, enfermidades ou un funcionamento psíquico incorrecto.

na modernidade, coa morte retórica de Deus da que falaba Nietzsche, aceptamos que o mal se pode exercer de plena vontade. nom obstante, persiste a crenza de que quen o exerce ou ten problemas mentais ou o fai buscando un fin propio. novamente o mal atopa xustificación. 'debemos ser conscientes de que hai persoas que fan o mal polo mal mesmo e atopamos moitas figuras deste tipo ao longo da historia', lembra a filósofa.

Carrasco-Conde cita a Kant, 'o mal é unha queixa tan antiga como a historia', apunta que temos normalizado as exacerbacións do mal porque as asumimos como parte da especie humana. o asasinato ou a tortura quebran a nosa comprensión, así que asociamos eses comportamentos ao descontrol. desta maneira eses actos quedan fóra da nosa responsabilidade e forxámonos unha razón para a inacción. incluso as temos 'espectacularizado nunha especie de exhibición do horror', engade a profesora.

isto permítenos desfigurar o camiño que media entre un mal menor, cotián, e os grandes sucesos. pero a filósofa subliña que eses males extremos nom veñen da nada e 'pensamos que nom nos afectan, mais claro que nos afectan porque forman parte da dinámica social na que vivimos'. reconstrúe a conexión establecendo que todas as persoas exercemos dano, pero de dous tipos diferentes.

o primeiro é o dano necesario, 'como o que sofres cando vas ao dentista', exemplifica. o outro é o innecesario, como podería ser un insulto, e sobre o que temos a opción de actuar. podería parecer intranscendente, pero é a magnitude menor nunha escala do mal que ten como manifestación extrema as guerras e os grandes crimes. Carrasco-Conde pon un exemplo claro: un feminicidio nom é máis que a punta do iceberg do sistema que sostemos de maneira individual con comportamentos machistas como cando contamos un mal chiste.

tendo en conta esta identificación, e a pesar de ter múltiples exemplos de persoas que exercen a maldade extrema ao longo da historia, Carrasco-Conde rexeita unha visión negativa do ser humano. pregúntase de xeito retórico: 'se somos malos por natureza, que podemos facer máis que cruzarnos de brazos e aceptalo?'.

a filósofa convida a distanciarse do fatalismo antropolóxico e iniciar unha tarefa moito máis complexa: afrontar cal é o dano que facemos que nada ten que ver coa nosa natureza, mais coa nosa vontade e as inercias que se xeran no noso xeito de vivir. neutralizar ese dano innecesario axudaría a sinalar o mal e romper as súas dinámicas na sociedade.

esta liña de pensamento que subliña os actos individuais xa a seguiu o sociólogo alemán Siegfried Kracauer cando se preguntou por que nom estudar os factores de comportamento das persoas para explicar o nazismo. Hitler é sen dúbida un dos personaxes que exercen o mal polo mal, o que Hannah Arendt cualificou como 'o mal absoluto'. o seu caso propón a análise do personaxe, mais tamén require un escrutinio da sociedade. Joan Solé, especializado en totalitarismos, historia e filosofía, propón unha pregunta que todos nos facemos: 'como chegou ao poder un personaxe vulgar como Hitler co apoio dunha nación culta como Alemaña?'.

Solé fundaméntao, en primeiro lugar, no fenómeno provocado por Joseph Goebbels, responsábel da campaña publicitaria que converteu a Hitler en 'führer'. mais tamén lle recoñece algunhas virtudes ao ditador, como ver a debilidade dos seus opoñentes e adaptar o seu discurso ao auditorio, falando tanto para as clases poderosas como para os traballadores.

a terceira calidade relaciónao co ex-presidente Donald Trump: 'espertaba as paixóns máis baixas das persoas, sabía desatar todo isto e que a xente se atrevera a expresar a súa parte máis violenta e ruín'. nom obstante, o experto lembra que Hitler era 'un home incompetente, sen ningunha fondura', restando a aura de xenio do mal ao que leva a espectacularización dos seus actos.

e inda sabendo todo isto, revisitámolo unha e outra vez en libros e documentais. como Vlad o empalador, Charles Manson ou Jack o destripador, fascínanos porque rompe cos límites da comprensión humana e lévanos a cavilar sobre nós mesmos.

sinala Solé que alén da relevancia histórica, existe unha causa na psicoloxía fonda do ser humano: 'a mente exercítase en situacións adversas e, nom sendo o home un ser anxelical, interésase por saber ata que punto pode chegar a tendencia do mal nel'.

tradución e deturpación por @xindiriz

texto orixinal publicado co título 'entender el mal' por Andrea Nogueira Calvar en el país (9xan2022), suplemento rostros del mal, pp 2-3.

20.11.20

hai anos no IES ESPARÍS, brión

unidades didácticas elaboradas polo profesorado do IES ESPARÍS (Brión):

-1995, o liño.

-1996, das abellas aos cereiros.

-1997, a medicina popular.

-1998, roteiros pola Amaía Alta.

Mª Carmen Abalo González, Mª José Tilve Costas, Flor Ramos Barbazán, Mª das Mercedes Vaamonde Balado, José Vázquez Rey, Mª Luisa Villar Carril, Carmen Pérez Tilve

13.11.20

oxalá a próxima pandemia fose de amor


veciños e veciñas de Lalín, hoxe estamos aquí para vindicar o noso desacordo co peche da hostalaría e, como consecuencia, do de moitos pequenos negocios.

unha pésima medida por parte do Goberno, que nom resolve os contaxios e que agrava moitos outros problemas económicos que influenciarán a saúde física, emocional, mental e económica de moitas familias que viven do seu esforzo e traballo diario para manter a este país a flote.

hoxe quero ser a voz de moitos galegas e galegos e do que nom séndoo vivimos aquí. e nom só dos hostaleiros, mais de todos os sectores.

porque a hostalaría é o motor e sen ela caerán outros moitos coma nós.

aos locais que por desgraza teñan que cerrar porque nom les sexa posíbel cumprir coa normativa compénsenllo economicamente cos mesmos ingresos do ano pasado e deixen traballar a quen si lles sexa posíbel para nom paralizar a economía e para que outros sectores asociados á hostalaría nom se vexan tan afectados.

basta de calar, basta de ceder, basta de pagar e pagar sen ingresar.

0 ingresos - 0 gastos.

se nos obrigan a pechar queremos a anulación dos pagamentos da recollida do lixo, auga, terraza, seguridade social e autónomos correspondentes ao tempo que nos obriguen a manter os nosos negocios coa porta pechada, redución do IVE  e retencións.

queremos que os nosos traballadores en ERTE cobre o 100% e a tempo como vós cobrades os vosos soldos a primeiros de mes, que se concedan as axudas pertinentes axilizando os trámites, queremos redución ou moratorias de alugueiros e hipotecas, queremos sentirnos seguros no país que vivimos xa que somos nós os que o levantamos.

sexan solidarios e báixense os soldos como a nós nos baixan os ingresos.

somos conscientes da situación e da pandemia que estamos a vivir, pero hai outras medidas de seguridade para frear os contaxios. esta o que frea é a economía e todo o que iso implica.

deixádenos traballar porque nós nom somos o problema.

é máis DIFÍCIL controlar casa por casa e porta por porta que os nosos negocios que están abertos ao público e pódese ver perfectamente e controlar quen cumpre as normas e quen nom!

esta pandemia xa levou por diante moitas vidas. deixade vós de levarvos vós os soños de moitos emprendedores, os esforzos de moitas familias e as estabilidade psíquica e mental da vosa poboación.

porque ao final ou morremos de COVID, de fame, por ansiedade ou depresión.

basta xa!

agora, se mo permitides, desexaría gardar un minuto de silencio polos que xa nom están entre nós e polos que tiveron que abandonar os seus soños!

grazas a todos os que hoxe estades aquí e aos que nos apoian desde outros medios, aos sectores en loita, comercio, perruquerías, estéticas, distribuidores, autónomos, limpeza, aos xubilados, aos nosos clientes, os sanitarios, AED, a todos os cidadáns en xeral. grazas polo voso apoio e por confiar en min para dicir estas palabras.

moito ánimo e lembra que O POVO UNIDO NUNCA SERÁ VENCIDO!

oxalá a próxima pandemia fose de amor!

nom ao peche, por favor!

lalín, 11nov2020

texto por Angélica Martínez

fotos: 1, de Regina Popi &2, de autor@ anónim@

tradución de @xindiriz

2.11.20

a crúa realidade

son como dous mundos, o da vida alegre e o q transcorre ao outro lado do espello, igualmente reais

tocou finde d’garda en quirófano e cóntovos o q vivín o sábado ás tres da madrugada cando cambiei a qnda e fun a observación:

1, Rocío, doente covid d’38 anos, botouse a chorar cando o médico intensivista lle dixo q ía sedala para intubala. co osíxeno a presión nom remontaba

2, Cristina, enfermeira desprazada, rompeu a chorar cando tivo q cambiar os parámetros d’tres respiradores ao mesmo tempo q os tres doentes q os usaban desaturaban

3, Carme, anestesista, rompeu a chorar mentres facía as veces d’médico-uci e ingresou Antonio, doente multipatolóxico descompensado

4, Xosé Carlos, enfermeiro con só unha ducia d’días d’experiencia profesional, botouse a chorar cando levaba seis horas vestido coma un buzo traballando na uci d’doentes covid e lle mandaron cambiar os parámetros da xiringa d’perfusión d’Manuela

5, Miguel, auxiliar d’enfermaría, botouse a chorar cando Xosé lle pregaba q lle realizara unha videochamada cos seus fillos para despedirse por se nom saía desta

todo pasou nunha chisca d'tempo, nunha noite calqra. todos se botaron a chorar en silencio. todos son persoas reais e compañeiros d’carne e óso con pais, fillos e parellas. todos tristemente esgotados. todos con medo e todos pensan q nom teñen a culpa d’vivir o q están a vivir

trato d’facer un chamado ao sentido común, a responsabilidade e a cordura. trato d’pedir axuda

esquécete das hipóteses conspiranoicas, as incredulidades, os dereitos a nom cumprir as normas, as solucións máxicas. esqce a incompetencia política, a ausencia d’liderado, a propaganda, a desorganización, …

… e mudemos realidade. si. mudémola

actúa como xa moitos o facedes, estremando a limpeza, a distancia, a ventilación (moi importante),  cumpre coa corentena, coida dos máis vulnerábeis e así, con sorte, nom te verás boca abaixo nim ti nim os teus cun tubo nos pulmóns

é posíbel q nas próximas semanas sexamos testemuñas dunha realidade q nunca imaxinamos e a única maneira d’mudala é diminuíndo os contactos e facelo, en calqra caso, nas mellores condicións: aire libre, máscara, distancia e hixiene

por certo, o doente q operara antes de subir a observación tiña unha patoloxía lene pero acudiu tarde ao hospital, nom entrou no centro d’saúde, foi diagnosticado tarde, entrou en sepse e terminou en observación (xa nom había praza en uci). con mal prognóstico

nom é alarmismo, é a crúa realidade

cóntoo para concienciar. pódese vivir alegres estremando os coidados ou pódese vivir ao outro lado do espello

grazas a todos os q sodes exemplo por ser tantos e tan valentes

texto orixinal Pedro Madroñal, médico sevillano

@xindiriz, tradución ao galego

26.10.20

aula castelao de filosofía


xii semana galega de filosofía (1995): filosofía e xénero

xiii semana galega de filosofía (1996): filosofía e lingua

xiv semana galega de filosofía (1997): filosofía e traballo

xv semana galega de filosofía (1998): filosofía

xvii semana galega de filosofía (2000): filosofía e cambio de milenio

xviii semana galega de filosofía (2001): filosofía e tecnoloxía

xxi semana galega de filosofía (2004): filosofía e cidadanía

xxii semana galega de filosofía (2005) filosofía e sustentabilidade

xxxi semana galega de filosofía (2014) filosofía e revolución

25.4.20

no inicio foi o porno

imaxe 'deepfake' de 'el correo' que ilustra un artigo sobre o tema
a finais de 2017 comezaron a circular por internet vídeos pornográficos protagonizados por algunha das actrices e cantantes máis famosas do momento. os vídeos fixéronse virais e foron vistos por millóns de persoas. ao pouco sóubose que elas nom eran as verdadeiras protagonistas dos vídeos, mais as vítimas dunha nova ferramenta tecnolóxica que, utilizando intelixencia artificial e outras ferramentas avanzadas, permite incluír a imaxe facial de calquera persoa nun vídeo.

foi só o inicio. ao pouco, Merkel, Trump ou Macri tamén foron vítimas do que se coñece como 'deepfake'. Obama foi utilizado, sen el autorizalo, para exemplificar os posíbeis usos nefastos desta tecnoloxía. vémolo nun discurso no que di o que o falsificador quería que dixera mais nunca dixera. pero o resultado é un vídeo moi 'real'.

a manipulación de imaxes ten unha longa tradición, pero isto é moito máis perigoso. a imaxe corporal e a expresión da cara son extraordinariamente realistas, e a imitación da voz e dos xestos da persoa, tan exactas que resulta imposíbel descubrir que é unha falsificación, a menos que se dispoña de sofisticados programas de verificación dixital. e o perigo de 'deepfake' é que esta tecnoloxía está ao alcance de calquera.

un antigo amante, aluado, pode producir e espallar de xeito anónimo polas redes sociais un vídeo que arremede a voz, os xestos e a cara da muller que o abandonou. un vídeo no que faga ou diga as barbaridades máis comprometedoras. as imaxes de policías dándolle unha boa tunda a unha vella que participa nunha protesta contra o goberno poden provocar violentos enfrontamentos entre as mareas que protestan e a policía. algúns estudantes poden gravar un vídeo comprometedor sobre un profesor ao cal nom poden ver.

os usos posíbeis de 'deepfake' na política, na economía ou as relacións internacionais son tan variados como sinistros. a divulgación dun vídeo que mostra a un candidato á presidencia dun país dicindo ou facendo cousas reprobábeis pouco antes dos comicios volverase a artimaña electoral máis frecuente.

o potencial dos vídeos falsificados para enrarecer as relacións entre países e exacerbar os conflitos internacionais tamén é enorme. xa ten pasado.

o emir de Qatar apareceu nun vídeo eloxiando e apoiando a Hamás, Hezbollah, os Irmáns Musulmáns, e Irán. isto provocou unha reacción furibunda de Arabia Saudí, os Emiratos Árabes, Bahrain e Exipto, que xa viñan tendo diferenzas importantes con Catar. denunciaron o discurso do emir como un apoio ao terrorismo e romperon relacións diplomáticas, clausuraron fronteiras e impuxéronlle un bloqueo por aire, mar e terra. a verdade é que o emir nunca dixera tal. o vídeo era falso. o que foi moi real foi o boicot que tivo que soportar esa nación.

a ameaza que 'deepfake' representa para a harmonía social, a democracia e a seguridade internacional é obvia. os antídotos contra esta ameaza o son moito máis reducidos, inda que hai algunhas propostas. todas as organizacións que producen ou distribúen fotografías ou vídeos deben obrigarse a usar bloqueos tecnolóxicos que fagan que o seu material visual sexa inalterábel. as persoas tamén deben ter acceso a tecnoloxías que as protexan de ser vítimas de 'deepfake'. as leis deben adaptarse. hai que facer máis difícil o uso do anonimato na rede. todo isto é necesario pero nom abondo. haberá que facer moito máis.

temos entrado nunha era na que a diferenza entre verdade e mentira, entre feitos e falsidades, foise erosionando. e con iso, a confianza nas institucións e a democracia. 'deepfake' nom é máis que outra arma no arsenal que teñen á súa disposición os mercadores da mentira.

hai que plantarlles cara.

tradución e deturpación por @xindiriz
xindiriz@gmail.com
texto orixinal por @moisesnaim

it started with porn

at the end of last year a series of pornographic videos began showing up on the internet. this is nothing new, but these were different because they starred some of the world's top actresses and singers. naturally, they went viral: millions of people around the world saw them. very quickly it became clear that Scarlett Johansson, Taylor Swift, Katy Perry, and other artists were not the real protagonists of the sex videos, but rather the victims of a new technology that - using artificial intelligence and other advanced digital tools - allows their creators to insert anyone's face into a very credible video.

and this was just the beginning. it wasn't long before Angela Merkel, Donald Trump, and Mauricio Macri were also victims of what is known as 'deepfake'. Barack Obama was used, without his consent, to exemplify the possible nefarious use of the new technology. we can watch Obama saying what the forger wants him to but has never said before. but is it, nevertheless, a very realistic video.

image manipulation is nothing new. authoritarian governments have a long history of 'disappearing' disgraced leader from official photographs. and since 1990 Photoshop has allowed users to alter digital photographs, a practice that has become so common it is considered a verb by Merriam-Webster.

but deepfake is different. and much more dangerous. in just the year since the fake celebrity porn videos appeared, the technology has improved dramatically. everything about these videos is hyper realistic, and the person's voice and gestures are so exactly rendered that it becomes impossible to know it is a forgery without using sophisticated verification programs. and perhaps the biggest danger of deepfake is that the technology is available to anyone.

a distraught ex could create (and anonymously distribute) a video that perfectly imitates the voice, gestures, and face of the woman who left him and in which she appears to be doing and saying the most shameful and degrading things. a video fo the police brutally beating an elderly woman who is participating in a street march could provoke violent clashes between protesters and the police. the respected leader of a racial or religious group could incite this followers to attack members of another race or religion. some students could produce a compromising video of a teacher they despise. or digital extortionists could threaten a company with disclosing a damaging video, if the company does not pay a hefty ransom.

 the possible uses of deepfake in politics, economics, or international relations are as varied as they are sinister. the release of a video showing a presidential candidate saying or doing reprehensible things shortly before the elections will certainly become a more commonly used election trick. even if the candidate's opponent doesn't approve the hoax, his most radical followers can produce and distribute the video without asking for anyone's permission.

the counterfeit videos' potential to cloud relations between countries and exacerbate international conflicts is also enormous.

and this is not hypothetical. it has already happened. last year, the Emir of Qatar, Tamin bin Hamad al-Thani, appeared in a video praising and supporting Hamas, Hezbollah, the Muslim Brotherhood, and Iran. this provoked a furious reaction from Saudi Arabia, the United Arab Emirates, Bahrain, and Egypt, countries that already had strained ties with Qatar. they denounced the emir’s speech as supporting terrorism, broke diplomatic relations, closed the borders, and imposed a blockade by air, sea, and land. the reality, however, is that the Emir of Qatar never gave that speech; while the video that escalated the conflict was not produced with deepfake technologies it was sufficient to provoke a dangerous escalation of the conflict that was already simmering. the video was still a fake but the boycott that resulted is very real, and remains in force.

the threat that deepfake represents to social harmony, democracy, and international security is obvious. the antidotes to this threat are much less clear, although there are some proposals. all organizations that produce or distribute photographs or videos should be forced to use technology blocks that make their visual and audio material unalterable. people must also have access to technologies that protect them from being victims of deepfake. laws must be adapted so that those who defame or cause harm to others through the use of these technologies can be brought to justice. the ease with which it is now possible to operate anonymously on the web should not be tolerated. all this is necessary, but insufficient. We will need to do much more.

we have entered an era in which the ability to differentiate the truth from lies, facts from fiction, is being eroded. And with it, trust in institutions and in democracy. deepfake is another new and powerful weapon in the arsenal that the merchants of lies have at their disposal.

we have to fight them.

11.4.20

volver ás aulas, pero nom de calquera maneira ...

elpais

a pregunta é insistente cando nos comunicamos con eles: profe, cando volvemos a clase?

imaxino un aula da eso chea ou corredores ateigados de alumnos e, como xefe de estudos dun centro educativo, case sinto pánico e comprendo o lonxe q inda estamos desa situación.

para todos está sendo duro o confinamento e precisamos volver pronto á 'normalidade'. pero algúns temos a fortuna de vivir en pisos cómodos con dispositivos electrónicos q nos conectan co resto do mundo. eu, como profe, ademais estou certo de q o meu posto de traballo nom corre ningún perigo.

pero hai outros mundos. unha parte do meu alumnado nom ten na casa ordenador nim espazo onde estudar, comparte pisos pequenos con familias numerosas e nom sabe se súa nai ou seu pai van seguir traballando a semana q vén.

sempre entendín o centro educativo como un servizo público e máis inda en tempos difíciles. nom somos un lugar onde só se imparte clase, podemos ademais ser un comedor, unha biblioteca ou unha secretaría ... tamén vexo a nosa orientadora, Ana, exercendo moitas veces como psicóloga de garda ou a calquera titora facendo as veces de traballadora social vocacional.

nom hai sistema educativo máis desigual q o modelo a distancia q nos temos visto obrigados a construír en só uns días. unha parte do alumnado, o máis vulnerábel, simplemente está desaparecido, e o profesorado, desde as nosas casas, nom temos todas as ferramentas q quixeramos para axudarlles.

por todo iso, a apertura dos centros educativos nom debe esperar a q poidamos dar clase a todo o alumnado, pois esa situación quizás nom se dea ata setembro ou incluso máis tarde. agora q as cifras comezan a deixarnos respirar e se comeza a falar de como vai ser a volta, permitinme imaxinar como debería ser a desescalada educativa.

por suposto, o primeiro é a saúde e sempre se deberán respectar de xeito escrupuloso as medidas de seguridade e os prazos recomendados polos especialistas sanitarios.

por se a alguén lle interesa, propoño catro fases:

UN. finalizado o estado de alarma, o centro educativo volve abrir as súas portas só con membros do equipo directivo e do persoal nom docente, en servizos mínimos. prepárase o centro para as fases seguintes cunha desinfección a fondo e recibindo da admon subministracións de máscaras, xeles, luvas, termómetros infravermellos, ...

DOUS. o profesorado comeza a acudir ao centro, pero só un día á semana, mentres q os catro días restantes segue co traballo a distancia. o obxectivo aquí é a atención prioritaria do alumnado máis vulnerábel mediante titorías presenciais. o centro pode por a disposición do alumnado sen un lugar de traballo en casa, a biblioteca ou outros espazos onde poidan permanecer, sempre gardando as medidas de seguridade e distanciamento correspondentes.

TRES. do modelo de educación a distancia pasariamos a outro de educación semipresencial: reiniciaríanse as aulas pero con grupos moi reducidos; por exemplo, un grupo de 30 alumnos se subdividiría en cinco grupos de seis. cada alumno iría ao IES só un día á semana para o seguimento do traballo feito na casa.

no caso do meu IES, onde temos uns 600 alumnos en horario de diúrno, se asisten de xeito rotatorio un día á semana, habería un máximo de 120 alumnos distribuídos nunhas 20 aulas. o profesorado podería traballar dous días á semana de xeito presencial no IES e os tres días restantes tele-traballaría na súa casa.

CATRO. recupéranse as aulas presenciais tal e como as coñeciamos antes do coronavirus, é dicir, con aulas e corredores cheos de alumnos. o paso da fase 'tres' á fase 'catro' deberíase efectuar dun xeito escalonado, cando nom exista xa risco sanitario ningún.

mentres chega o momento de aplicar as diferentes fases, encerrados nas nosas casas temos tempo para reflexionar. esta crise ten posto de manifesto q hai que coidar máis q nunca todo o público, comezando pola Sanidade e seguindo pola Educación, porq se ao profesorado se lle exixe q traballe a competencia dixital, debería dispor de aulas mellor dotadas, porq se ten posto de manifesto q as ratios de 30 alumnos por aula nom son sostíbeis, xa nom só por motivos educativos, senón tamén epidemiolóxicos e porq tal vez deberiamos falar máis de educación e nom só de avaliación, titulación e promoción.

ao final volveremos ás aulas, iso seguro, pero en centros educativos onde nada vai volver ser o mesmo. porq todo está cambiando e confío q ese cambio sexa para mellorar.

texto orixinal por @mjanguita, publicado en 'eldiario', 10abr2020
tradución e deturpación por @xindiriz
xindiriz@gmail.com

1.4.20

Urbano Feixóo, un 'negreiro' galego

xenealoxia.org

un

durante o XIX a burguesía pasa progresivamente a controlar as decisións políticas, reemprazando a nobreza e o clero.

personaxes como o Marqués de Comillas, Antonio López e López, fan fortuna nestes tempos pero a costa de manipular e aproveitarse das clases máis desfavorecidas da sociedade.

emigrou a Cuba e casou alí con Luísa Bru, filla dun terratenente cafeteiro. a partir de aquí dedicouse a traficar con escravos negros na illa de Cuba e describíaselle como alguén analfabeto, cruel e sen empatía, para quen os negocios consistían en explotar ao próximo por todos os métodos posíbeis con tal de obter beneficios.

deste xeito, de morto de fame, chegou a ser un rico, tamén coa trata de escravos, inda que unha lei de 1820 o prohibía.

regresou a Barcelona en 1856, aloxándose na casa da familia de Vidal-Quadras, antepasados de Alejo Vidal-Quadras, obtendo dous importantes monopolios, o transporte do correo postal e o das tropas. ademais creou a Compañía General de Tabacos de Filipinas, fundou o Banco Hispano Colonial e casou a súa filla co conde de Güell.

nom obstante, o negocio dos escravos fórase complicando logo de que ESP fora obrigada por ING a subscribir en 1817 a prohibición da trata de escravos acordada no Congreso de Viena en 1815. a pesar diso, os empresarios negreiros seguiron capturando africanos no golfo de Guinea para levalos clandestinamente a América.

tamén en GZ varias familias importantes que participaban nesta práctica seguiron a facelo sen importarlles a lei. algúns arquivos, que trataron de destruír ou mutilar, así o demostran: Barrié, Bartolomé de las Casas, Francisco de Adalid e en OU, Urbano Feixóo de Soutomaior.

dous

Urbano Feixóo de Soutomaior nacera en Viana do Bolo en 1798, pero foi en Cuba onde fixo cartos. grazas ás súas boas relacións, chegou a administrar naquelas terras cinco enxeños azucareiros, tres cafeteiros e varias facendas. tamén foi accionista do ferrocarril de Sagua.

a súa gama de intereses era ampla e, por exemplo, era tamén propietario do Depósito de Publicaciones nacionales y extranjeras de A Habana e constan documentos como o contrato que asinou en 1852 co escritor José Zorrilla para publicación na illa de obras deste autor.

en 1854 foi elixido deputado en Cortes pola circunscrición de OU, polo Partido Liberal. foi nese ano cando puxo en marcha un dos seus proxectos, movido, segundo dicía, polo seu 'pensamento filantrónpico'.

a mediados do XIX os terratenentes de Cuba tiñan serios problemas para tirar beneficios da produción de azucre, con baixadas continuas dos prezos e a man de obra cada día máis cara.

neste contexto, Feixóo botou contas e concluíu, ao igual que o doutor Tomás Romay, que 'un galego vai facer o mesmo traballo que dous negros pero ao prezo dun só'. noutras anotacións, subliña que o galego 'custará nom moito máis de oito pesos ao mes e proporcionaranos un beneficio cando menos dobre do que ofrece o escravo e incomparabelmente maior ao que pode esperarse do negro xornaleiro, ao prezos actuais'.

la pluma del Tocororo
resumiu o seu proxecto nun libro que dirixiu ao Goberno, Illa de Cuba. Inmigración de traballadores españois. nel indica que cada ano emigran a POR e as provincias do sur de ESP máis de 200.000 galegos, que serían 'materia ideal para surtir de brazos baratos esta illa e ao noso Goberno de xente leal'.

o proxecto tiña dous obxectivos: 'socorrer aos desgrazados galegos' e 'contribuír á agricultura e aumento da poboación branca'; obxectivos que fundamenta no 'amor por ambos países e coa fin de ofrecer aos inmigrantes os coidados e atencións que require a súa saúde, asegurando o regreso ao fogar'. Feixóo preséntase ante as autoridades españolas como 'un pai que coidará con esmero dos máis pequenos detalles para asegurar a felicidade dos seus fillos'.

quere encher Cuba de galegos para 'fecundar este país' e propón 'unha viaxe cómoda pagada, un tempo de aclimatación coa necesaria asistencia, un traballo asegurado co seu horario e descansos correspondentes'.

tres

Urbano funda a Compañía Patriótico Mercantil, obtén o monopolio da introdución de galegos na colonia por un período de 15 anos e comeza a recrutar en GZ braceiros para os enxeños azucreiros e cafeteiros de Cuba.

cada galego recrutado recibirá ao embarcar 'dúas camisas, un pantalón e unha blusa adecuada para o clima, un sombreiro de palla e un par de zapatos', antes de ser subcontratados polos terratenentes.

estes comprométense a pagarlles cinco pesos ao mes (a cuarta parte que a un xornaleiro negro), alimentalos adecuadamente, proporcionarlles dúas mudas completas ao ano, calzado bo, sombreiro, tres pares de alpargatas e descanso os domingos, 'tres horas durante o rigor do día' e todas as noites desde as oito ata as catro da madrugada.

divididos en grupos de 25 homes, co seu cabo e capataz á fronte, aceptan traballar cinco anos e asumir sen protestas a disciplina e castigos que correspondan, incluíndo o maltrato físico. cumprido o lustro de traballo, a compañía promete relevalos e devolvelos á casa, cos seus aforros nos petos.

contrata coa empresa Abellá, Braña e Cía., de Ferrol, varias viaxes desde Ferrol, A Coruña e Vigo, entre marzo e agosto de 1854. transporta en total 1744 traballadores en oito expedicións, aloxándoos en barracóns de aclimatación, segundo anota Xosé Neira Vilas en Memoria da emigración, III.

o 6 de marzo de 1854 zarpan cara Cuba desde Vigo os primeiros 314 galegos no Villa de Neda. o 22 de abril 213 no Villa de Gijón. o 23 de maio 182 e 176 no Luisa e no Juanita respectivamente. o 2 de xuño 156 no Nuevo Félix. o 23 de xuño 217 no Nemecia. o 10 de agosto 190 no Guía de Vigo. e o 26 dese mesmo mes os últimos 296 no Abella.

catro

la pluma del Tocororo
a chegada a A Habana do primeiro grupo tivo un recibimento espectacular por parte das autoridades se lle facemos caso ao que conta La Revista de La Habana: 'eran mozos, con moi poucas excepcións, de fermosa presenza e notábel compostura, uniformados coa maior propiedade para os traballos de campo e organizados en pelotóns de 25 homes co seu correspondente capataz cada un formaban un cadro sumamente agradábel'.

foron acomodados en 'barracóns de aclimatación', onde pasarían un curto período de tempo antes de ser destinados a diversos enxeños ou obras públicas. dun total de 1744, en outubro de 1854 xa faleceran 167 e outros 18 escaparan.

o resto foron destinados a traballar na construción da vía de Cienfuegos, Trinidad e Puerto Príncipe (297, 243 e 25 traballadores respectivamente), o cafeal Empresa (139), os enxeños Arratía e Achuri (dúas fábrica de azucre) e Galicia-Retiro-La Macagua (291, 105 e 409 respectivamente) e contratados polos señores Conde Jaruco e Fernando Manck (25 cada un).

os destinados a traballar no camiño de ferro de Trinidad nim sequera cobran o seu xornal, apenas son alimentados e dormen enriba de táboas.

os destinados a traballar no de Casilda insubordináronse polo retraso nos salarios, os malos tratos e o incumprimento dos acordos pactados: os tres meses de aclimatación pagados foron en realidade tres meses de traballo, levaban dous meses sen cobrar, só recibiran unha muda e tamén durmían enriba de táboas.

en maio de 1855 o número de mortos xa é de 331, un de cada cinco, mentres outros 200 estaban en prisión por terse rebelado.

algúns logran escapar transitoriamente pero son obrigados a vagar polos camiños e mendigar comida, sendo finalmente atrapados e encerrados nos depósitos de cimarróns.

toda fuxida ou rebelión é castigada co cepo. dous homes, Matías Pérez e Andrés Mosquera, da brigada da Calzada de Jesús don Monte, foron enviados ao cepo, un lugar onde eran azoutados, suxeitos de pés e mans e coa cabeza atrapada entre madeiras.

en Marianao, houbo unha sublevación de traballadores polo uso do cepo, que foi castigada con quince días sen salario.

ao mesmo tempo aumentaban as desercións. os que o facían eran chamados os 'galegos cimarróns'. o Capitán Xeral emitiu unha circular en 1854 pola que mobilizada o Exército para 'capturar os colonos peninsulares fugados e restituílos aos cuarteis de traballo ou aclimatación'.

as súas cartas, que moitos teñen que ditar sendo analfabetos, chegan ás súas familias en GZ, informándolles de todo. algunhass poden contratar avogados que levan a situación ás Cortes.

cinco

unha das cartas de denuncia que chegou ata o Goberno foi a do emigrante Ramón Fernández, que sinalaba que, nalgúns dos casos de traballadores galegos castigados, 'toda a súa culpa foi pedir pan e, querendo castigar este impulso, mandáronos encerrar en estancias fétidas, cargalos de ferro, telos espidos, alimentalos con carne medio descomposta que ata os negros rexeitaban e obrigalos a traballar quince horas diarias'.

un informe do coronel Riquelme, gobernador de Trinidad, tamén evidencia as condicións laborais dos galegos: 'nom lles dan de almorzar, as casetas son moi malas e tamén os camastros onde dormen. están suxeitos todo o día, prohibíndolles toda comunicación exterior e viven nun réxime peor que o dos escravos'.

o maltrato era evidente pero unha cláusula dos contratos, que todos asinaban e que foi desvelada na revista habanera Vida Gallega en 1941, estipulaba: 'eu conformo co salario estipulado, inda que sei e me consta que é moito maior o que gañan os xornaleiros libres da illa de Cuba'.

un médico da compañía chega a explicar así as mortes dos galegos: 'nom teñen temperanza. gustan demasiado da comida e nom atenden ao que se lles di en canto a gardar dieta'.

algunhas publicacións en Cuba da época como El Eco de Galicia denunciaban a situación con titulares como 'Gallegos, no vengáis a América'.

a empresa fracasou e os superviventes deambularon pola illa en estado calamitoso. máis de medio millar morreron aos poucos meses, extenuados pola fame ou o cólera ou as febres tifoides.

o propio representante da compañía en A Habana resumiu en tres palabras os feitos: 'escándalo, espanto, carnizaría'. o novo Capitán Xeral de Cuba, José de la Concha comunicou á metrópole a gravidade 'do asunto dos galegos'. e o escándalo chegou ao Congreso, as testemuñas acumuladas destaparon o sucedido e a operación de 'branquear Cuba' cancelouse.

disólvese a Compañía Patriótica Mercantil e no Congreso dos Deputados Urbano Feixóo debe escoitar as críticas dos membros do seu propio partido. inda así, hai quen o defende timidamente.

iso si, antes de pechar a súa filantrópica compañía, cobrou os 140.000 pesos de subvención concedidos pola Xunta de Fomento.

seis

as Cortes acordan liberar aos traballadores galegos das súas obrigas coa compañía de Feixóo, dándolles 66 pesos e liberdade para regresar a GZ, pero sen dereito a reclamar polos seus sufrimentos.

a pesar do escándalo volveu a ocupar escano posteriormente nas filas de Sagasta durante a Restauración borbónica. a última vez, na lexislatura 1881-1884, en representación do distrito cubano de Matanzas.

finou en Viana do Bolo o 10 de agosto de 1898. descansará en paz?

enlace á reportaxe 'gallegos por esclavos' (La 2)

FONTES:
Urbano Feijóo, negrero y miserable (la pluma del Tocororo)
sabela CORBELLE 'los esclavos gallegos de Cuba' (el progreso)
miguel ángel MARTÍNEZ COELLO 'Urbano Feijoo de Soutomayor: negrero y diputado por OU' (faro de vigo)
eduardo ROLLAND '1854: embarcan en Vigo los esclavos' (la voz de gz)

@xindiriz
xindiriz@gmail.com

21.3.20

medo


segundo algúns titulares grazas ao coronavirus temos descuberto que o ser humano só pode sobrevivir grazas á axuda e o esforzo colectivo.

e eu pregúntome, descubrímolo coa pandemia do sida nos 80s e 90s? nom, era cousa de maricóns, putas e drogatas. aprendemos algo coa pandemia do ébola en 2016? nom, era para negros e para os que viaxaban a países que nom debían. saímos aos balcóns a aplaudir polos afectados da crise de 2008? tampouco, era asunto de pobres.

nom nos enganemos, temos descuberto a colectividade só porque esta enfermidade zoupoulle de cheo á elite de occidente. todo eran risas cando estragaba vidas en China, nomsi? e precisamente pola democratización do virus estamos a ver como cae o rico, o branco, o hetero e o da 'derechita' covarde. así que, de súpeto, sentimos a ameaza e, de xeito automático, desencadéanse todos os mecanismos para poñernos a resgardo.

así temos descuberto esa suposta colectividade só porque somos unha enorme cabeza neoliberal que se move ao unísono e, se se toca a unha das súas compoñentes, derrúbase toda a pirámide. nom, isto nom é solidariedade colectiva, é puro medo.

se estamos unidos é porque estamos cagados de medo. porque con isto nom só están a morrer negros, maricóns, inmigrantes ou pobres. e porque, en realidade, nunca pensabamos que isto nos tocaría a nós, punta da pirámide do privilexio.

temos creado esta cadea de unión internacional porque por riba de todo nom nai ningún colectivo ao que botar a culpa e, ante a falta de cabezas de turco, facémonos cóxegas psicolóxicas e consolámonos uns a outros con resignación sen cichar merda pola boca.

o único que me gustaría é que esta crise nos sirva para facernos reflexionar, e nom só para organizar festivais musicais nos balcóns, tan necesarios para nom darnos tempo a pensar. se isto pode servir para algo, que sexa para que, cando salgamos desta, deixemos de facer ostentación dos nosos privilexios occidentais e miremos unha chisca cara as marxes.

texto orixinal de Carlos Barea (con perfil en facebook)
foto: Michel du Cille, doentes con ébola, Hospital Redemption nun dos suburbios máis pobres de Monrovia, Liberia
visto en 'no es nada personal' (facebook)
deturpación por @xindiriz

visitantes